Адноўлены правы работніка ў Віцебскай вобласці

Віцебскім абласным упраўленнем Дэпартамента дзяржаўнай інспекцыі працы адноўлены правы работніка арганізацыі, якая ажыццяўляе дзейнасць па добраўпарадкаванні і абслугоўванні ландшафтных тэрыторый Віцебскай вобласці.

У ходзе разгляду звароту ўстаноўлена, што ў парушэнне артыкулаў 69, 133 Працоўнага кодэкса Рэспублікі Беларусь не праведзены ўлік фактычна адпрацаванага часу ў звышурочны час у маі, чэрвені, ліпені і верасні 2024 года і кампенсацыя за работу ў звышурочны час.

У выніку аператыўна прынятых Вітаблупраўленнем мер наймальнікам праведзены ўлік фактычна адпрацаванага звышурочнага часу і налічэнне заработнай платы за названы час.

На падставе патрабавання Віцебскага абласнога ўпраўлення, выдадзенага ў адпаведнасці з Указам Прэзідэнта Рэспублікі Беларусь ад 09.01.2023 №3 "Аб мерах па забеспячэнні своечасовай выплаты заработнай платы" работніку праведзена выплата налічанай заработнай платы за работу ў звышвызначаны час на суму 154 рублі.

У сувязі з устараненнем наймальнікам парушэння ва ўстаноўлены ў патрабаванні тэрмін, меры адміністрацыйнай адказнасці за дапушчанае парушэнне заканадаўства аб працы адносна службовай асобы наймальніка не прымяняліся.

Правы работніка адноўлены.