Адноўлены парушаныя правы працаўнікоў сельскагаспадарчага прадпрыемства

Гродзенскім абласным упраўленнем Дэпартамента дзяржаўнай інспекцыі працы адноўлены парушаныя правы работнікаў сельскагаспадарчага прадпрыемства.

У ходзе правядзення ў снежні 2024 года выбарачнай праверкі па выкананні заканадаўства аб працы і аб ахове працы Смаргонскім міжраённым аддзелам устаноўлена, што ў 2023-2024 гг. работнікам не зроблены даплаты за работу ў звышурочны час, у святочныя дні і дзяржаўныя святы, а таксама наймальнікам не выкананы мінімальныя гарантыі аплаты працы работнікаў.

У выніку прынятых мер 13 работнікам зроблены даплаты на агульную суму звыш 10000 рублёў.

Правы работнікаў адноўлены!

Па факце выяўленых парушэнняў заканадаўства аб працы адносна ўпаўнаважаных асоб наймальніка пачаты адміністрацыйныя працэсы.