У ААТ "Віцебскі завод электравымяральных прыбораў", адбыўся навучальны семінар па ахове працы на тэму: "Выкананне патрабаванняў заканадаўства па ахове працы"

У мэтах забеспячэння бяспекі працы, прафілактыкі вытворчага траўматызму з удзелам галоўнага дзяржаўнага інспектара Віцебскага абласнога ўпраўлення Мацюшкова А.У. у Адкрытым акцыянерным таварыстве "Віцебскі завод электравымяральных прыбораў", адбыўся навучальны семінар па ахове працы на тэму: "Выкананне патрабаванняў заканадаўства па ахове працы".

У сваім выступленні Мацюшкоў А.У. давёў да ведама прысутных прычыны вытворчага траўматызму і тыповыя парушэнні патрабаванняў па ахове працы, якія выяўляюцца ў арганізацыях прамысловага сектара эканомікі і ў арганізацыях Віцебскай вобласці пры правядзенні наглядных мерапрыемстваў. Звярнуў асаблівую ўвагу на небяспечныя вытворчыя фактары, якія могуць уздзейнічаць на работнікаў у працэсе ажыццяўлення працоўнай дзейнасці, на неабходнасць забеспячэння выканання на працоўных месцах як работнікамі, так і службовымі асобамі патрабаванняў бяспекі па ахове працы.

У ходзе семінара Мацюшкоў А.У. адказаў на пытанні, якія цікавяць удзельнікаў.