Удзел у рабоце мабільнай групы па пытаннях аховы працы ў сферы будаўніцтва, жыллёва-камунальнай, лясной гаспадарак, прамысловасці і арганізацыях без ведамаснай падпарадкаванасці Салігорскага райвыканкама

Галоўны дзяржаўны інспектар Слуцкага міжраённага аддзела Мінскага абласнога ўпраўлення Дэпартамента Францкевіч І.А. прыняў удзел у рабоце мабільнай групы па пытаннях аховы працы ў сферы будаўніцтва, жыллёва-камунальнай, лясной гаспадарак, прамысловасці і арганізацыях без ведамаснай падпарадкаванасці Салігорскага райвыканкама. У ходзе работы мабільнай групы абследаваны будаўнічыя аб'екты: ТАА "Рэмсол", філіял УВП "Ніва"-"Завод горна-шахтавага абсталявання", ААТ "Рыбгас "Чырвоная Слабада", ДУА "Сярэдняя школа № 1 г. Салігорска", ДУ "СДЮШАР № 1 г. Салігорка".

У ходзе абследавання выяўлены факты допуску працуючых да работы без правядзення з імі ўводнага і паўторнага інструктажоў па ахове працы, першаснай праверкі ведаў па пытаннях аховы працы, без прымянення імі сродкаў індывідуальнай абароны, а таксама неадпаведнасці такарна-шрубарэзных, заточных і фрэзерных станкоў патрабаванням бяспекі.

Па выніках наведвання мабільнай групай кіраўнікам арганізацый выдадзены рэкамендацыі аб устараненні парушэнняў заканадаўства аб ахове працы.

Дзяржаўным інспектарам з работнікамі праведзена гутарка аб выкананні патрабаванняў па ахове працы пры выкананні работ, а таксама ажыццяўленні кантролю з боку службовых асоб арганізацый за выкананнем працуючымі гэтых патрабаванняў.