Семінар ва УА «Відзаўскі дзяржаўны каледж»

18.04.2023 года намеснік начальніка Глыбоцкага міжраённага аддзела Віцебскага абласнога ўпраўлення Дэпартамента Пляшак В.Г. напярэдадні Сусветнага дня аховы працы і ў рамках правядзення мерапрыемства "Тыдзень нулявога траўматызму" правёў семінар з навучэнцамі і выкладчыкамі УА "Відзаўскі дзяржаўны каледж" на тэму "Бяспечнае і здаровае рабочае асяроддзе - асноватворны прынцып і права ў сферы працы".

Да ведама ўдзельнікаў мерапрыемства былі даведзены асноўныя задачы і функцыі Дэпартамента дзяржаўнай інспекцыі працы, абавязкі работадаўцы па забеспячэнні аховы працы і абавязкі працуючага ў галіне аховы працы.

Таксама вучням былі растлумачаны патрабаванні аб неабходнасці выканання правілаў аховы працы ў перыяд праходжання імі вытворчай практыкі ў арганізацыях і ў час работы ў студэнцкіх атрадах, прыведзены прыклады асобных няшчасных выпадкаў на вытворчасці.

Перад навучэнцамі таксама выступіў дырэктар каледжа, старшыня Браслаўскага раённага аб'яднання прафсаюзаў і галоўны спецыяліст па ахове працы ўпраўлення па працы, занятасці і сацыяльнай абароне Браслаўскага райвыканкама. Лектары далі тлумачэнні на пастаўленыя ўдзельнікамі пытанні.