Раённы Дзень аховы працы ў Лоеўскім раёне

Галоўны дзяржаўны інспектар Рэчыцкага міжраённага аддзела Гомельскага абласнога ўпраўлення Дэпартамента Канстанцін Шамолаў прыняў удзел у раённым дні аховы працы, які праводзіцца на базе Лоеўскага РДС філіяла ПУ «Рэчыцагаз» РВУП «Гомельаблгаз».

У сваім выступе прадстаўнік Дэпартамента інфармаваў прысутных аб няшчасных выпадках, якія адбыліся ў арганізацыях Гомельскай вобласці за студзень-верасень 2025 года. Для больш навочнага і эфектыўнага прадстаўлення інфармацыі Канстанцін Шамолаў з дапамогай мультымедыйнага суправаджэння прадэманстраваў відэаролік аб няшчасных выпадках на вытворчасці. Па заканчэнні выступу, прадстаўнік Дэпартамента адказаў на пытанні з залы.