Прафілактыка вытворчага траўматызму ў Оршы

Начальнік Аршанскага міжраённага аддзела Віцебскага абласнога ўпраўлення Дэпартамента дзяржінспекцыі працы Давідовіч Н. А. прыняў удзел на базе Аршанскага раённага выканаўчага камітэта ў пасяджэнні круглага стала на тэму - "Прафілактыка вытворчага траўматызму".

У рабоце круглага стала прынялі ўдзел: галоўны спецыяліст аддзела сацыяльна-працоўных адносін і аховы працы ўпраўлення па працы, занятасці і сацыяльнай абароне Аршанскага райвыканкама Калеснікава Н. М. і загадчык сектара раслінаводства і механізацыі ўпраўлення па сельскай гаспадарцы і харчаванні Нікіцін С.М.

У рамках правядзення дадзенага мерапрыемства Давідовіч Н.А. выступіў з інфармацыяй аб выніках наглядных мерапрыемстваў, праведзеных у бягучым перыядзе 2025 года і накіраваных на прафілактыку траўматызму працуючых, прыцягнутых да выканання работ ва ўстановах выканання пакаранняў, а таксама ў арганізацыях АПК.

Пасяджэнне круглага стала прайшло ў фармаце пытанне-адказ. Спецыялісты па ахове працы сельскагаспадарчых арганізацый і ўстаноў выканання пакаранняў дзяліліся вопытам з калегамі, абмяркоўвалі пытанні па парушэннях выяўленых у ходзе наглядных мерапрыемстваў і пры правядзенні расследаванняў няшчасных выпадкаў на вытворчасці і складанні актаў адпаведнай формы па выніках праведзеных расследаванняў.

Пры падвядзенні вынікаў пасяджэння круглага стала, акцэнтавалася ўвага на найбольш характэрныя прычыны ўзнікнення няшчасных выпадкаў, забеспячэнне бяспечных і здаровых умоў працы для работнікаў на працоўных месцах, прадухіленне выпадкаў вытворчага траўматызму ў арганізацыях шляхам аператыўнага выяўлення і ўстаранення парушэнняў норм аховы працы і прыняцця мер па іх недапушчэнні.