Наведванне сельскагаспадарчых арганізацый Астравецкага і Ашмянскага раёнаў
Начальнік Смаргонскага міжраённага аддзела Гродзенскага абласнога ўпраўлення Дэпартамента дзяржаўнай інспекцыі працы Шатохіна С.Ю. і галоўны дзяржаўны інспектар аддзела Ясевіч Н.А. у рамках месячніка бяспекі працы, які праводзіцца ў Гродзенскай вобласці, пры правядзенні ўборачных работ у складзе мабільных груп адпаведных райвыканкамаў наведалі сельскагаспадарчыя арганізацыі Астравецкага і Ашмянскага раёнаў.
Дзяржаўнымі інспектарамі выяўлены шэраг парушэнняў заканадаўства аб ахове працы, у тым ліку пры эксплуатацыі сельскагаспадарчых машын. На ўстараненне парушэнняў, якія не маглі быць аператыўна ліквідаваны на месцы, кіраўнікамі мабільных груп арганізацыям выдадзены рэкамендацыі.
З занятымі на работах работнікамі праведзены гутаркі па прафілактыцы вытворчага траўматызму, неабходнасці няўхільнага выканання патрабаванняў па ахове працы, а таксама дадзены адказы на пастаўленыя пытанні.