Навучальны семінар па ахове працы на тэму: «Выкананне патрабаванняў заканадаўства аб ахове працы» у ААТ «Віцебскі лікёра-гарэлачны завод «Прыдзвінне»

У мэтах забеспячэння бяспекі працы, прафілактыкі вытворчага траўматызму з удзелам галоўнага дзяржаўнага інспектара Віцебскага абласнога ўпраўлення Дэпартамента дзяржаўнай інспекцыі працы Міністэрства працы і сацыяльнай абароны Мацюшкова А.У. у Адкрытым акцыянерным таварыстве «Віцебскі лікёра-гарэлачны завод «Прыдзвінне», адбыўся навучальны семінар па ахове працы на тэму: «Выкананне патрабаванняў заканадаўства аб ахове працы».

У сваім выступленні Мацюшкоў А.У. давёў да ведама прысутных тыповыя парушэнні патрабаванняў па ахове працы, якія выяўляюцца ў арганізацыях Віцебскай вобласці пры правядзенні наглядных мерапрыемстваў. Звярнуў асаблівую ўвагу на неабходнасць выканання патрабаванняў норм заканадаўства аб ахове працы, якія забяспечваюць бяспечнае выкананне работ у гэтай галіне, вызначаныя пастановай Міністэрства працы і сацыяльнай абароны Рэспублікі Беларусь ад 31.12.2024 № 122 Правілы па ахове працы пры вытворчасці харчовай прадукцыі.

У ходзе выступлення Мацюшкоў А.У. адказаў на пытанні, якія цікавілі ўдзельнікаў семінара.