Навучальны семінар па ахове працы на тэму: "Ахова працы і бяспека работ пры вясенне-палявой кампаніі 2025 года"

У мэтах забеспячэння бяспекі працы, прафілактыкі вытворчага траўматызму ў Шумілінскім раённым выканаўчым камітэце з удзелам галоўнага дзяржаўнага інспектара Віцебскага абласнога ўпраўлення Дэпартамента дзяржаўнай інспекцыі працы Міністэрства працы і сацыяльнай абароны Мацюшкова А.У. адбыўся навучальны семінар па ахове працы на тэму: "Ахова працы і бяспека работ пры вясенне-палявой кампаніі 2025 года".

У сваім выступленні Мацюшкоў А.У. давёў да ведама прысутных тыповыя парушэнні патрабаванняў па ахове працы, якія выяўляюцца ў арганізацыях аграпрамысловага комплексу Віцебскай вобласці. Звярнуў асаблівую ўвагу на шкодныя і небяспечныя вытворчыя фактары, якія могуць уздзейнічаць на работнікаў у працэсе ажыццяўлення працоўнай дзейнасці, а таксама на неабходнасць выканання патрабаванняў бяспекі на працоўных месцах.

У ходзе выступлення Мацюшкоў А.У. адказаў на пытанні, якія паступілі ад удзельнікаў семінар.