Навучальны семінар для навучэнцаў ДУА «Сярэдняя школа № 44 г. Віцебска»

Галоўны дзяржаўны інспектар абласнога ўпраўлення Бісягін І.С. правёў навучальны семінар для навучэнцаў ДУА "Сярэдняя школа № 44 г. Віцебска", у якім прынялі ўдзел больш за 90 вучняў.

У ходзе правядзення семінара Бісягіным І.С. былі агучаны пытанні заключэння працоўных дагавораў з непаўналетнімі, асаблівасці рэгулявання працы моладзі, гарантыі, прадугледжаныя заканадаўствам аб працы ў адносінах да асоб, якія не дасягнулі васемнаццаці гадоў.