Навучальны семінар

27.04.2023 першы намеснік начальніка Брэсцкага абласнога ўпраўлення Дэпартамента Бацук У.У. прыняў удзел у навучальным семінары з работнікамі РУП "Брэсцкі цэнтр стандартызацыі, метралогіі і сертыфікацыі", які праводзіцца ў рамках "Тыдня нулявога траўматызму" і выступіў па тэме "Аб вытворчым траўматызме і яго прафілактыцы ў арганізацыях г. Брэста і Брэсцкай вобласці".

У ходзе выступлення прадстаўніка Дэпартамента ўдзельнікі семінара былі праінфармаваны аб узроўні вытворчага траўматызму ў арганізацыях Брэсцкай вобласці ў 2022 г. і за мінулы перыяд 2023 года.

Растлумачаны асноўныя меры бяспекі супрацоўнікам цэнтра пры наведванні імі ў складзе мабільных груп гаррайвыканкамаў прамысловых і будаўнічых арганізацый вобласці.