Наша задача - спрацаваць на папярэджанне!

З удзелам начальніка Рэчыцкага міжраённага аддзела Гомельскага абласнога ўпраўлення Дэпартамента Святланы Кастрамы на базе КСУП «Агракамбінат «Холмеч» праведзены практычны выязны семінар на тэму: «Папярэджанне траўматызму ў сельскагаспадарчых арганізацыях Рэчыцкага раёна ў 2024 годзе».

На пленарнай нарадзе Святлана Кастрама інфармавала аб вытворчым траўматызме ў Гомельскай вобласці і Рэчыцкім раёне ў 2023 годзе. Прывяла прыклады абставінаў і прычын няшчасных выпадкаў, якія адбыліся ў арганізацыях сельскай гаспадаркі. А таксама прывяла прыклады тыповых парушэнняў патрабаванняў заканадаўства аб ахове працы і якія неабходна прыняць меры для прадухілення такіх здарэнняў.