Маніторынг у Столінскім раёне

15.02.2023 намеснік начальніка Пінскага міжраённага аддзела Брэсцкага абласнога ўпраўлення Дэпартамента дзяржаўнай інспекцыі працы Сніпіч А.Г. правёў маніторынг па выкананні патрабаванняў заканадаўства аб ахове працы ў КСУП "Відыборскі" (в. Асаўцы, Столінскі раён).

Пры правядзенні маніторынгу былі выяўлены асобныя парушэнні заканадаўства аб ахове працы, сярод якіх:

дапускаецца эксплуатацыя абсталявання, якая не адпавядае патрабаванням аховы працы;
на здымных грузазахопных прынадах, не прымацаваныя металічныя біркі або таўро, якія паказваюць інвентарны нумар, грузападымальнасць і дату выпрабавання;
на пляцоўках для абслугоўвання абсталявання па краях насцілу адсутнічае суцэльная бартавая паласа вышынёй 0,15 м;
да працы дапушчаюцца працаўнікі без ужывання сродкаў індывідуальнай абароны;
пры выкананні слясарных прац працаўнікамі ўжываюцца малаткі з металічнай ручкай.

Па выніках маніторынгу кіраўніку прадпрыемства выдадзены рэкамендацыі на ўстараненне выяўленых парушэнняў.

Са службовымі асобамі і работнікамі праведзена прафілактычная размова аб неабходнасці выканання патрабаванняў бяспекі пры правядзенні работ па рамонце і абслугоўванні тэхнікі.