Мабільная група ў Веткаўскім раёне
31 студзеня 2023 года галоўны дзяржаўны інспектар аддзела нагляду за выкананнем заканадаўства аб ахове працы Гомельскага абласнога ўпраўлення Дэпартамента Сафонаў У.Я. прыняў удзел у працы мабільнай групы Веткаўскага райвыканкама, якая здзейсніла выезд на малочнатаварную ферму ААТ «Ікра-Ветка», а таксама наведала ДУА «Пыханская базавая школа».
У час выезду дзяржінспектарам Дэпартамента звернута ўвага на выкананне патрабаванняў па ахове працы па:
- ачыстцы тэрыторый ад снега і лёду з ужываннем супрацьгалалёдных матэрыялаў,
- бяспечнай эксплуатацыі будынкаў і збудаванняў у зімовы перыяд;
- правядзенню работнікам інструктажоў па ахове працы;
- забеспячэнню работнікаў СІЗ.
Арганізавана правядзенне агляду працуючых на прадмет знаходжання ў стане алкагольнага, наркатычнага або таксічнага ап'янення.
Са службовымі асобамі арганізацый праведзены прафілактычныя гутаркі аб выкананні заканадаўства аб ахове працы, выдадзены рэкамендацыі для ўстаранення выяўленых парушэнняў.
