Мабільная група ў Столінскім раёне

06.07.2023 намеснік начальніка Пінскага міжраённага аддзела Брэсцкага абласнога ўпраўлення Дэпартамента Сніпіч А.Г. у складзе мабільнай групы Столінскага райвыканкама па аказанні практычнай і метадычнай дапамогі ў забеспячэнні бяспекі працы наведаў КСУП "Беражное" і ААТ "Лядзецкі" (Столінскі раён).

Пры абследаванні названых прадпрыемстваў прадстаўніком Дэпартамента былі выяўлены асобныя парушэнні заканадаўства аб ахове працы, сярод якіх:

- эксплуатацыя вытворчага абсталявання, якое не адпавядае патрабаванням аховы працы;

- эксплуатацыя сельскагаспадарчай тэхнікі без устаноўленай агароджы карданнага вала;

- допуск працаўнікоў да працы без сродкаў індывідуальнай абароны;

- эксплуатацыя ціскоў з планкамі на губках без насечак.

Па выніках наведвання кіраўніку прадпрыемства выдадзены рэкамендацыі на ўстараненне выяўленых парушэнняў.

Са службовымі асобамі і работнікамі прадпрыемства праведзена прафілактычная размова аб неабходнасці выканання патрабаванняў бяспекі пры рамонце сельскагаспадарчай і аўтамабільнай тэхнікі.