Мабільная група ў Слуцкім раёне

Галоўны дзяржаўны інспектар Слуцкага міжраённага аддзела Мінскага абласнога ўпраўлення Дэпартамента Гурына А.І. прыняла ўдзел у рабоце мабільнай групы па аказанні практычнай і метадычнай дапамогі ў забеспячэнні захавання заканадаўства аб ахове працы ў арганізацыях усіх форм уласнасці Слуцкага раёна. Быў ажыццёўлены выезд у ААТ "Аграфірма "Лучнікі", СУП "Племгас Слуцк", студэнцкі атрад "Юнацтва" на базе СГФ ААТ "Слуцкі сыраробны камбінат".

Па выніках абследаванняў Гурынай А.І. выяўлена 25 парушэнняў заканадаўства аб ахове працы, рэкамендавана не выкарыстоўваць 3 адзінкі абсталявання, якія ствараюць пагрозу жыццю і здароўю працуючых, не дапускаць да работы 3 працуючых, дапушчаных да выканання работ без сродкаў індывідуальнай абароны і інструктажу па ахове працы.