Мабільная група ў Полацкім раёне

26.01.2023 галоўны дзяржаўны інспектар Полацкага міжраённага аддзела Віцебскага абласнога ўпраўлення Дэпартамента Алена Жыжова прыняла ўдзел у чарговым выездзе мабільнай групы Полацкага райвыканкама, якая наведала ААТ "Белсувязьбуд" і УП "Вінны майстар".

У рамках месячніка забеспячэння бяспечных умоў працы ў зімовы перыяд ажыццёўлены кантроль за выкананнем работнікамі заканадаўства аб ахове працы і аказана практычная і метадычная дапамога.

Пры абследаванні дзяржінспектарам Дэпартамента акцэнтавана ўвага на бяспечнае выкананне рамонтных работ у майстэрнях, утрыманне тэрыторый, забеспячэнне работнікаў СІЗ, выкананне парадку правядзення з работнікамі інструктажоў і праверкі ведаў па пытаннях аховы працы.

З кіраўнікамі і спецыялістамі арганізацый праведзены гутаркі, выдадзены рэкамендацыі аб устараненні выяўленых парушэнняў.