Мабільная група ў Любанскім раёне

08.02.2023 галоўны дзяржаўны інспектар Слуцкага міжраённага аддзела Мінскага абласнога ўпраўлення Дэпартамента Францкевіч І.А. прыняў удзел у рабоце мабільнай групы па аказанні практычнай і метадычнай дапамогі ў забеспячэнні бяспекі працы кіраўнікам і спецыялістам арганізацый аграпрамысловага комплексу, будаўнічай галіны і іншых арганізацый Любанскага раёна. Быў ажыццёўлены выезд у ААТ «Любанскі райаграсэрвіс», ТАА «Завод цяжкага машынабудавання».

Па выніках абследавання ААТ «Любанскі райаграсэрвіс» Францкевічам І.А. выяўлена 13 парушэнняў заканадаўства аб ахове працы, рэкамендавана не выкарыстоўваць абсталяванне, якое стварае пагрозу жыццю і здароўю працуючых, а таксама не дапускаць да работы працуючага, дапушчанага да выканання работ без правядзення праверкі ведаў па пытаннях аховы працы.

Па выніках абследавання ТАА "Завод цяжкага машынабудавання" дзяржінспектарам Дэпартамента выяўлена 11 парушэнняў заканадаўства аб ахове працы, рэкамендавана не выкарыстоўваць 2 адзінкі абсталявання, якое стварае пагрозу жыццю і здароўю працуючых.