Мабільная група ў Хоцімскім раёне

15.06.2023 галоўны дзяржаўны інспектар Крычаўскага міжраённага аддзела Магілёўскага абласнога ўпраўлення Дэпартамента Гарбакоў С.М. у складзе мабільнай групы Хоцімскага райвыканкама наведаў будаўнічыя аб'екты раёна, а таксама вывучыў выкананне патрабаванняў па ахове працы пры арганізацыі дзейнасці студэнцкіх атрадаў.

У ходзе рабочага візіту прадстаўніком Дэпартамента выяўлены і спынены факты парушэнняў заканадаўства:

- працоўныя месцы і праходы да іх, размешчаныя на вышыні больш за 1,3 м і адлегласці менш за 2 м ад мяжы перападу па вышыні, не агароджаны часовымі інвентарнымі агароджамі;

- дапушчаныя да эксплуатацыі няспраўныя сродкі подмащивания;

- дапушчаны работнікі без выкарыстання сродкаў індывідуальнай абароны;

- прыпынена эксплуатацыя тэхнічна няспраўнага абсталявання, у тым ліку з адсутнымі агароджамі раменных перадач.

Гарбаковым С.М. звернута ўвага прадстаўнікоў ААТ «Ліпаўка» Хоцімскага раёна на абавязковае выкананне патрабаванняў па забеспячэнні аховы працы пры выкананні работ студэнцкім атрадам, а менавіта:

- стварэнню на кожным працоўным месцы здаровых і бяспечных умоў працы;

- забеспячэнню рабят сродкамі індывідуальнай абароны;

- правядзенні ім інструктажу і праверкі ведаў па пытаннях аховы працы, а таксама папярэдняга (пры прыёме на працу) медыцынскага агляду.

Дзяржінспектарам дадзены растлумачэнні службовым асобам і работнікам будаўнічых арганізацый па бяспечных метадах і прыёмах выканання работ, выдадзены рэкамендацыі аб устараненні выяўленых парушэнняў.