Мабільная група Ганцавіцкага райвыканкама

Начальнік Баранавіцкага міжраённага аддзела Брэсцкага абласнога ўпраўлення Данілава А.У. прыняла ўдзел у рабоце з наведваннем сельскагаспадарчай арганізацыі - ААТ "Адраджэнне".

Падчас выезду прадстаўнік Дэпартамента выявіла шэраг парушэнняў заканадаўства аб ахове працы і ўказала службовым асобам на:

-адсутнасць ахоўнай агароджы прывада раменнай перадачы жняяркі збожжаўборачнага камбайна;

- дзверы боксаў для захоўвання сельскагаспадарчай тэхнікі, якія не абсталяваны прыладай для іх фіксацыі ў адкрытым становішчы;

- допуск да работы трактарыстаў-машыністаў сельскагаспадарчай вытворчасці, якія не прайшлі праверку ведаў па пытаннях аховы працы;

-допуск да выканання работ трактарыстаў-машыністаў сельскагаспадарчай вытворчасці без неабходных сродкаў індывідуальнай аховы і абутку;

- допуск да эксплуатацыі сепаратара КСЗ-1 са знятымі ахоўнай агароджай раменнай перадачы прывада.

Па выніках работы выдадзены рэкамендацыі па ўстараненні парушэнняў заканадаўства аб ахове працы.