Мабільная група Светлагорскага райвыканкама

Намеснік начальніка Жлобінскага міжраённага аддзела Гомельскага абласнога ўпраўлення Дэпартамента Валерый Любагошчаў прыняў удзел у працы мабільнай групы Светлагорскага райвыканкама па аказанні метадычнай дапамогі ў забеспячэнні бяспекі працы ў арганізацыях ААТ «Светлагорскі ДБК» і крама «СВЕТАФОР», а таксама ў рамках выезду мабільнай групы аб'ект «Жылы дом у г. Светлагорску».

У час выезду прадстаўнік Дэпартамента выявіў шэраг парушэнняў патрабаванняў па ахове працы, у тым ліку ў частцы:

допуску работнікаў да выканання работ без сродкаў індывідуальнай абароны;

эксплуатацыі пад'ёмна-транспартнага абсталявання;

выканання работ на вышыні

арганізацыі складзіравання сыравіны і гатовай прадукцыі

вядзення дакументацыі па ахове працы ў адпаведнасці з устаноўленымі патрабаваннямі.

З работнікамі і службовымі асобамі арганізацый праведзены прафілактычныя гутаркі аб выкананні заканадаўства аб ахове працы, а таксама Валерый Любагошчаў расказаў аб наступствах дапускаемых парушэнняў і прывёў прыклады няшчасных выпадкаў.