Мабільная група Полацкага райвыканкама

У рамках мерапрыемстваў па правядзенні «Году бяспечнай працы ў будаўніцтве», галоўны дзяржаўны інспектар Полацкага міжраённага аддзела Віцебскага абласнога ўпраўлення Дэпартамента Алена Жыжова пры ўдзеле ў працы мабільнай групы Полацкага райвыканкама наведала будаўнічыя аб'екты: «Рэканструкцыя пажарнай аварыйна-спасавальніка па надзвычайных сітуацыях па адрасе: г.Полацк. вул.Энгельса, 8», «Узвядзенне малочнатаварнай фермы па адрасе: Віцебская вобласць, Полацкі раён, Гаранскі с/с, за 0,1 км на поўнач ад аграгарадка Карпекі», «Тэхнічная мадэрнізацыя будынка цэха шклошарыкаў з уладкаваннем падлог пад тэхнічнае абсталяванне па адрасе: г.Полацк, вул.Будаўнічая, 30/13.

У ходзе правядзення абследаванняў асаблівая ўвага ўдзелена адпаведнасці тэрыторыі будаўнічых аб'ектаў і працоўных месцаў патрабаванням па ахове працы: выдзяленню небяспечных зон, наяўнасці ахоўных і сігнальных агародж; закрыццю праёмаў у перакрыццях і сценах з абавязковым абазначэннем іх папераджальнымі надпісамі; тэхнічнаму стану будаўнічых лясоў і сродкаў падмашчвання; абавязковаму і правільнаму выкарыстанню работнікамі СІЗ; ачыстцы працоўных месцаў, праходаў і праездаў ад смецця і адходаў; наяўнасці праектаў вытворчасці работ і тэхналагічных карт на выкананне асобных відаў работ, нарадаў-допускаў на работы з павышанай небяспекай і азнаямленні з імі працуючых перад пачаткам выканання работ; ажыццяўленню кантролю за выкананнем працуючымі патрабаванняў інструкцый па ахове працы; арганізацыі санітарна-бытавога забеспячэння працуючых і інш.

Па выніках наведвання кіраўнікам арганізацый ТАА "БітКамБуд", ААТ "Спецыялізаванае рамонтна-будаўнічае ўпраўленне № 3 г.Наваполацк" выдадзены рэкамендацыі, праведзены прафілактычныя гутаркі.