Мабільная група Маладзечанскага раёна

24.05.2023 начальнік Маладзечанскага міжраённага аддзела Мінскага абласнога ўпраўлення Вонсовіч В.С. прыняў удзел у рабоце мабільнай групы па аказанні практычнай і метадычнай дапамогі ў забеспячэнні захавання заканадаўства аб ахове працы ў арганізацыях усіх форм уласнасці Маладзечанскага раёна. Быў ажыццёўлены выезд на будаўнічыя аб'екты: «Мікрараён шматкватэрнай жылой забудовы ў межах вул. Янкі Купалы - вул. Праектуемай № 4 - вул. Праектуемай № 14 г. Маладзечна» 5-я, 6-я, 7-я, 8-я чэргі, на якіх выконваліся работы ТАА «Забудова-Буд», ТАА «СУ-202», ААТ «ПМК-212».

Па выніках абследаванняў Вонсовічам В.С. выяўлены 43 парушэнні заканадаўства аб ахове працы, рэкамендавана не дапускаць да работы 15 працуючых, дапушчаных да выканання работ без прымянення сродкаў індывідуальнай абароны, рэкамендавана забараніць дзейнасць 2 адзінак абсталявання, якое стварае пагрозу жыццю і здароўю працуючых.

Са службовымі асобамі і працуючымі праведзена прафілактычная размова аб выкананні патрабаванняў заканадаўства аб ахове працы.

Кіраўнікам арганізацый выдадзены рэкамендацыі для ўстаранення выяўленых парушэнняў.