Мабільная група Лёзненскага райвыканкама
Галоўны дзяржаўны інспектар Віцебскага абласнога ўпраўлення Дэпартамента дзяржінспекцыі працы Беразяк А.Р., у рамках правядзення месячніка па забеспячэнні бяспечных умоў працы ў перыяд падрыхтоўкі і правядзення веснавых палявых работ у арганізацыях аграпрамысловага комплексу Віцебскай вобласці прыняў удзел у рабоце мабільнай групы Лёзненскага райвыканкама.
Мабільнай групай абследаваны сельскагаспадарчыя арганізацыі раёна і вывучаны пытанні выканання патрабаванняў па ахове працы, вызначаныя Правіламі па ахове працы ў сельскай і рыбнай гаспадарках, зацв. пастановай Міністэрства працы і сацыяльнай абароны і Міністэрства сельскай гаспадаркі і харчавання Рэспублікі Беларусь 05.05.2022 №29/44, пры падрыхтоўцы сельскагаспадарчай тэхнікі і прадукцыі раслінаводства да пасяўной кампаніі, а менавіта:
- умовы працы і ахова працы на працоўных месцах;
- выкананне патрабавання па ахове працы пры правядзенні перадпасяўной апрацоўкі насення (пасадачнага матэрыялу, іх захоўванне);
- выкананне патрабаванняў па ахове працы пры абслугоўванні і рамонце сельскагаспадарчых машын і агрэгатаў;
- выкананне патрабавання па ахове працы пры вядзенні тэхналагічных працэсаў, эксплуатацыі абсталявання;
- забеспячэнне працуючых сродкамі індывідуальнай і калектыўнай абароны;
- парадак допуску да работ працуючых (правядзенне інструктажоў і праверкі ведаў па пытаннях аховы працы);
- праходжанне абавязковых медыцынскіх аглядаў.
Па выніках наведвання арганізацый АПК, кіраўнікам арганізацый выдадзены рэкамендацыі на ліквідацыі выяўленых парушэнняў патрабаванняў па ахове працы, праведзена сустрэча з працуючымі сельгаспрадпрыемстваў.
