Бяспечная праца — агульная адказнасць: вынікі семінара ва Уздзенскім раёне

Начальнік Стаўбцоўскага міжраённага аддзела Мінскага абласнога ўпраўлення Дэпартамента дзяржаўнай інспекцыі працы Паўчэнец С.М. прыняў удзел у прафілактычным семінары: «Забяспечваем якасную бяспечную працу разам», арганізаваным Мінскім абласным аб'яднаннем прафсаюзаў і праведзеным ва Уздзенскім раёне.

У сваім выступленні прадстаўнік Дэпартамента дзяржаўнай інспекцыі працы інфармаваў прысутных аб стане вытворчага траўматызму ў Мінскай вобласці за першае паўгоддзе 2025 года, аб абставінах, прычынах няшчасных выпадкаў на вытворчасці і асобах, якія дапусцілі парушэнні заканадаўства і лакальных прававых актаў наймальніка, распавёў аб тыповых парушэннях, якія выяўляюцца па выніках расследаванняў няшчасных выпадкаў і ў ходзе ажыццяўлення нагляднай дзейнасці.

Паўчэнец С.М. звярнуў увагу на высокі ўзровень траўматызму ў будаўнічай галіне і ў сельскагаспадарчых арганізацыях, абмеркаваў пытанні: аб рабоце па стварэнні здаровых і бяспечных умоў працы, прафілактыцы вытворчага траўматызму, а таксама аб адказнасці за парушэнні заканадаўства аб ахове працы.