80 гадоў з дня вызвалення горада Ліда ад нямецка-фашысцкіх захопнікаў

Супрацоўнікі Лідскага міжраённага аддзела Гродзенскага абласнога ўпраўлення дэпартамента дзяржаўнай інспекцыі працы прынялі ўдзел у святочных мерапрыемствах, прысвечаных 80-годдзю вызвалення горада Ліда ад нямецка-фашысцкіх захопнікаў 8 ліпеня 2024 года. Дзяржаўныя інспектары працы наведалі ўрачысты мітынг, які праводзіўся ля помніка брацкай магілы падпольшчыкаў і партызан горада Ліда. Тут 79 салдат, якія загінулі пры вызваленні горада, з іх 40 падпольшчыкаў і партызан, расстраляных у чэрвені-ліпені 1944 года. Да новага помніка, які быў збудаваны на месцы старога абеліска 1956 года былі ўскладзены кветкі ў даніну памяці воінам, якія загінулі пры вызваленні горада Ліда ад нямецка-фашысцкіх захопнікаў.