15 сакавіка - Дзень Канстытуцыі Рэспублікі Беларусь

Канстытуцыя Рэспублікі Беларусь - Асноўны закон краіны, у ёй спалучаюцца традыцыі і інавацыі, народаўладдзе, адзінства кіравання. Яна грунтуецца на неад'емным суверэнным праве беларускага народа мець сваю дзяржаўнасць і быць паўнапраўным суб'ектам сусветнай супольнасці.

Беларуская Канстытуцыя гарантуе кожнаму грамадзяніну свабоду і правы, неабходныя для стваральнай працы, дастойнага жыцця і гарманічнага ўсебаковага развіцця асобы.

Вышэйшай каштоўнасцю Канстытуцыя аб'яўляе чалавека і яго жыццё, а адказнае выкананне прынцыпаў Канстытуцыі дасць магчымасць стварыць умовы для шчаснага жыцця ўсіх грамадзян нашай краіны.

Абавязак кожнага з нас - выконваць палажэнні Канстытуцыі, праяўляць патрыятызм і актыўную грамадзянскую пазіцыю.